بھارت نے پہلی ڈینگی ویکسین کی منظوری دیدی

بھارتی وزارتِ صحت کے ذیلی ادارے سینٹرل ڈرگز اسٹینڈرڈ کنٹرول آرگنائزیشن نے 21 جولائی 2026 کو ملک کی پہلی ڈینگی ویکسین Qdenga کے استعمال کی باضابطہ منظوری دے دی ہے۔ جاپانی کمپنی ٹاکیڈا کی تیار کردہ اور بھارتی کمپنی بائیولوجیکل ای کے اشتراک سے فراہم کی جانے والی یہ ویکسین 4 سے 60 سال کی عمر کے افراد کے لیے منظور کی گئی ہے، جو 3 ماہ کے دوران 2 انجیکشنز کے ذریعے لگائی جاتی ہے۔ ڈینگی کی چاروں اقسام کے خلاف تحفظ فراہم کرنے والی اس ویکسین کو دنیا کے 42 ممالک میں منظور کیا جا چکا ہے اور 2 کروڑ 40 لاکھ سے زائد خوراکیں دی جا چکی ہیں۔ واضح رہے کہ بھارت میں 2021 سے اب تک 10 لاکھ سے زائد ڈینگی کیسز اور 1500 اموات رپورٹ ہو چکی ہیں، جبکہ بھارت اپنی سنگل ڈوز ویکسین کی تیاری پر بھی کام کر رہا ہے۔