نیند کم ہونے کی صورت میں دماغ کیا ردعمل دیتا ہے؟ تحقیق میں حیران کن انکشاف

سائنسدانوں نے نیند کی کمی کے شکار افراد کے دماغ میں ہونے والے ایک غیر معمولی حیاتیاتی عمل کو دریافت کیا ہے۔

میساچیوسٹس انسٹی ٹیوٹ آف ٹیکنالوجی کی تحقیق کے مطابق ناقص نیند محض تھکن کا سبب نہیں بنتی بلکہ دماغ کے اندر ایک مخصوص سیال کی حرکت بڑھ جاتی ہے، جس کے نتیجے میں توجہ مرکوز رکھنے کی صلاحیت عارضی طور پر متاثر ہو جاتی ہے۔

تحقیق میں یہ بھی معلوم ہوا کہ نیند پوری نہ ہونے کے بعد ردعمل کی رفتار کم ہو جاتی ہے اور سوچنے کی صلاحیت محدود ہو جاتی ہے، جس سے روزمرہ کے کاموں اور فیصلہ سازی پر برا اثر پڑتا ہے۔ سائنسدانوں کا کہنا ہے کہ یہ دریافت نیند کی اہمیت اور دماغی صحت کے لیے اس کے اثرات کو سمجھنے میں اہم کردار ادا کرے گی۔