رواں مالی سال کے پہلے 5 ماہ کے ترقیاتی اخراجات کی تفصیلات

رواں مالی سال کے ابتدائی پانچ ماہ میں ترقیاتی اخراجات 92 ارب روپے تک محدود

رواں مالی سال کے پہلے پانچ ماہ کے دوران ترقیاتی اخراجات کی تفصیلات سامنے آ گئی ہیں۔ سرکاری اعداد و شمار کے مطابق جولائی سے نومبر تک ترقیاتی منصوبوں پر صرف 91 ارب 90 کروڑ روپے خرچ کیے جا سکے۔

دستاویزات کے مطابق اسی مدت میں ترقیاتی منصوبوں کے لیے مجموعی طور پر 349 ارب روپے جاری کرنے کی منظوری دی گئی تھی، تاہم اخراجات منظور شدہ رقم سے کہیں کم رہے۔

ماہرین کے مطابق ترقیاتی فنڈز کے کم استعمال سے جاری منصوبوں کی رفتار متاثر ہونے کا خدشہ ہے، جس کے باعث معاشی سرگرمیوں اور عوامی سہولیات پر بھی منفی اثرات مرتب ہو سکتے ہیں۔