وزن میں کمی کے دوران جسم کی زائد چربی کہاں جاتی ہے، حیران کُن جواب

ماہرین کے مطابق جب جسم کا وزن کم ہوتا ہے تو ذخیرہ شدہ چربی کا بڑا حصہ پسینے یا پیشاب کے ذریعے نہیں بلکہ سانس کے ذریعے خارج ہوتا ہے۔ سائنسی تحقیق کے مطابق، کیلوریز میں کمی کے دوران جسم میں ذخیرہ شدہ ٹرائگلیسرائڈز ٹوٹتے ہیں اور بیٹا آکسیڈیشن کے عمل سے گزر کر کاربن ڈائی آکسائیڈ اور پانی میں تبدیل ہو جاتے ہیں۔ حیرت انگیز طور پر تقریباً 84 فیصد چربی کاربن ڈائی آکسائیڈ کی شکل میں پھیپھڑوں کے ذریعے سانس باہر نکالتے وقت جسم سے خارج ہو جاتی ہے، جبکہ باقی 16 فیصد پانی بن کر پسینے اور دیگر جسمانی رطوبتوں کے ذریعے باہر نکلتی ہے۔