بہت زیادہ گرم چائے پینے والے افراد خبردار، نئی تحقیق میں اہم انکشافات

آکسفورڈ یونیورسٹی کی ایک جامع اور طویل المعیاد جدید تحقیق میں انکشاف کیا گیا ہے کہ بہت زیادہ گرم چائے، کافی اور دیگر مشروبات پینے سے انسان میں غذائی نالی کے کینسر (Esophageal Cancer) کا خطرہ 3 گنا تک بڑھ جاتا ہے۔ تحقیق کے دوران سائنسدانوں نے 65 ڈگری سینٹی گریڈ یا اس سے زیادہ درجہ حرارت والے مشروبات کو ‘انتہائی گرم’ قرار دیا اور بتایا کہ خاص طور پر 70 ڈگری سینٹی گریڈ سے زائد گرم چائے یا کافی مسلسل پینا صحت کے لیے شدید نالیوں کے نقصان اور اس مہلک مرض کا باعث بن سکتا ہے۔

سائنسی ٹیم نے گرم مشروبات کے شوقین 9 لاکھ 80 ہزار افراد کے صحت کے ریکارڈ کا 14 سال سے زائد عرصے تک باریک بینی سے جائزہ لیا۔ تحقیق میں حصہ لینے والوں سے ان کی مشروبات کے درجہ حرارت کی ترجیحات (بہت زیادہ گرم، معتدل، نیم گرم یا ٹھنڈا) سے متعلق معلومات اکٹھی کی گئیں۔ نتائج سے معلوم ہوا کہ انتہائی گرم مشروبات کے استعمال سے غذائی نالی کے کینسر کی مخصوص قسم ’ایس سی سی‘ (Esophageal Squamous Cell Carcinoma) کا خطرہ تین گنا بڑھ جاتا ہے، جبکہ دوسری قسم ’اے سی‘ پر اس کا اثر نہیں دیکھا گیا۔ ماہرینِ صحت نے مشورہ دیا ہے کہ چائے یا کافی کو کپ میں نکالنے کے بعد کچھ دیر ٹھنڈا ہونے دیا جائے تاکہ اس خطرے سے بچا جا سکے۔