گرم کافی ہزاروں کی تعداد میں مائیکرو پلاسٹک کے ذرات خارج کرنیکا سبب قرار

تازہ ترین تحقیق کے مطابق پلاسٹک کے برتنوں میں رکھا جانے والا گرم کھانا مائیکرو پلاسٹک کے اخراج کا سبب بن سکتا ہے۔ سائنسدانوں نے پایا کہ گرم کافی کولڈ کافی کے مقابلے میں ہزاروں مائیکرو پلاسٹک کے ذرات خارج کر سکتی ہے۔

مائیکرو پلاسٹک کے مسلسل جسم میں داخل ہونے سے ہارمونز میں عدم توازن، ذیابیطس، تنفس اور تولیدی مسائل کے علاوہ کینسر کے خطرات بھی بڑھ سکتے ہیں۔ تحقیق میں باریک ذرات کے غیر ارادی طور پر جسم میں جانے کا تعلق ڈسپوزایبل کپ اور برتنوں سے بتایا گیا ہے، جو ہر سال عالمی سطح پر 500 ارب کے قریب استعمال ہوتے ہیں۔