ہولی فیملی ہسپتال میں 5 سالہ بچے کے کٹے ہاتھ کی ری پلانٹیشن سرجری کامیاب

راولپنڈی کے ہولی فیملی ہسپتال میں ڈاکٹرز نے 5 سالہ بچے کے جسم سے مکمل طور پر الگ ہو جانے والے ہاتھ کی کامیاب ری پلانٹیشن سرجری کر کے نئی تاریخ رقم کر دی۔ ذرائع کے مطابق جہلم سے تعلق رکھنے والے بچے کا ہاتھ ٹوکے کے وار سے کٹ کر الگ ہو گیا تھا، جسے 28 اگست کو ہولی فیملی ہسپتال لایا گیا۔ ڈاکٹرز کی ماہر ٹیم نے پیچیدہ مائیکرو ویسکیولر سرجری کے ذریعے انتہائی باریک تکنیک کا استعمال کرتے ہوئے خون کی شریانوں، رگوں اور دیگر اہم ساختوں کو کامیابی سے دوبارہ جوڑ دیا، جس کے بعد ہاتھ میں خون کی روانی مکمل طور پر بحال ہو گئی ہے۔