امریکا: پیدائش سے پہلے بچے کی کامیاب سرجری، نقص رحمِ مادر میں ہی درست کر دیا گیا

برطانوی ڈاکٹروں اور امریکی طبی ماہرین نے طب کی دنیا میں ایک زبردست کامیابی حاصل کرتے ہوئے رحمِ مادر میں موجود بچے کی جدید سرجری کے ذریعے ایک انتہائی سنگین پیدائشی نقص کامیابی سے درست کر دیا ہے۔ 29 سالہ مائزی سیویج (Maizie Savage) کی حمل کے 26 ویں ہفتے میں امریکہ میں یہ پیچیدہ سرجری کی گئی، جن کا بیٹا ‘تھیو’ (Theo) پیدائش سے قبل ‘گیسٹروشیسس’ نامی نایاب حالت میں مبتلا تھا جس میں ناف کی نامکمل تشکیل کے باعث آنتیں پیٹ سے باہر نشوونما پانے لگتی ہیں۔ ماہرین نے سرجری کے دوران انتہائی مہارت سے بچے کی آنتوں کو دوبارہ پیٹ کے اندر منتقل کیا، جس کے بعد بچہ مکمل صحت مند حالت میں پیدا ہوا اور اب 05 ماہ کا ہو کر معمول کی نشوونما پا رہا ہے۔ تھیو اس منفرد عالمی کلینیکل ٹرائل کا فائدہ اٹھانے والا دنیا کا صرف 03 واں بچہ بن گیا ہے، جبکہ اس کے پیشے کے لحاظ سے استاد والدین نے طبی ٹیم کا شکریہ ادا کرتے ہوئے اپنے بچے کو ایک ’معجزہ‘ قرار دیا ہے۔