وزیراعظم کے آئندہ دورۂ ڈیووس کی تیاریوں پر اعلیٰ سطحی اجلاس،عالمی سرمایہ کاری اجاگر کرنے پر زور
Web Desk
29 December 2025
نائب وزیراعظم و وزیر خارجہ سینیٹر محمد اسحاق ڈار کی زیر صدارت وزیراعظم کے آئندہ دورۂ ڈیووس سے متعلق ایک اعلیٰ سطحی بریفنگ اجلاس منعقد ہوا۔ اجلاس میں وزیراعظم کی 19 سے 23 جنوری 2026 تک سوئٹزرلینڈ کے شہر ڈیووس-کلوسٹرز میں ورلڈ اکنامک فورم کے 56ویں سالانہ اجلاس میں شرکت کے حوالے سے تفصیلی بریفنگ دی گئی۔
دفتر خارجہ کے مطابق اجلاس میں پاکستان کے مستقل نمائندہ جنیوا اور سینئر حکام نے شرکت کی، جبکہ ورلڈ اکنامک فورم کے مجوزہ پروگرام اور ایجنڈے پر وزیر خارجہ کو آگاہ کیا گیا۔ وزیراعظم کے دورے کے دوران عالمی رہنماؤں سے متوقع دو طرفہ ملاقاتوں، غیر ملکی سربراہانِ مملکت، حکومتوں اور عالمی مالیاتی اداروں کے نمائندوں سے روابط پر بھی مشاورت کی گئی۔
وزیر خارجہ اسحاق ڈار نے ہدایت دی کہ دورے کے دوران عالمی قیادت کے ساتھ روابط کو زیادہ سے زیادہ مؤثر بنایا جائے، نجی شعبے، کاروباری اور مالیاتی اداروں کے ساتھ تعاون کے نئے مواقع تلاش کیے جائیں اور پاکستان کی معاشی ترجیحات و سرمایہ کاری کے امکانات کو بھرپور انداز میں اجاگر کیا جائے۔
اجلاس میں وزیراعظم کے دورۂ ڈیووس کے دوران وسیع میڈیا انگیجمنٹس اور عالمی سطح پر پاکستان کے مثبت معاشی بیانیے کو اجاگر کرنے کی حکمتِ عملی پر بھی تبادلہ خیال کیا گیا
متعلقہ عنوانات
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور
17 November 2026
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
ایران کا آبنائے ہرمز کے قریب امریکی ڈرون قبضے میں لینے کا دعویٰ
17 November 2026
باب المندب سے فورسز کا انخلا، سعودیہ نے اتحادی فوج کا کمانڈر بدل دیا
17 November 2026
طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف
17 November 2026
ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس
17 November 2026
پاکستان سٹاک ایکسچینج میں کاروبار کے آغاز پر زبردست تیزی
17 November 2026