ایڑی کا درد نظر انداز نہ کریں، کن علامات پر ڈاکٹر سے رجوع ضروری ہے؟

ایڑی میں درد ایک عام جسمانی شکایت ہے لیکن اسے معمولی تکلیف سمجھ کر نظر انداز کرنا مناسب نہیں ہے۔ طبی ماہرین کے مطابق پاؤں کی ساخت (جس میں 26 ہڈیاں، 33 جوڑ اور 100 سے زائد پٹھے شامل ہیں) پر مسلسل دباؤ، غیر معمولی سرگرمی یا چوٹ اس تکلیف کا سبب بنتی ہے۔ ایڑی کے درد کی نمایاں وجوہات میں ’پلانٹر فیشیائٹس‘ (ٹشوز پر دباؤ سے سوزش) اور ’ایکیلس ٹینڈنائٹس‘ (پنڈلی کے پٹھوں اور ہڈی کو ملانے والے ٹینڈن میں انجری) شامل ہیں۔ اگر درد اچانک شدید ہو جائے، سوجن یا سرخی نمودار ہو یا دو سے تین ہفتوں میں افاقہ نہ ہو تو ڈاکٹر سے رجوع کرنا ضروری ہے۔ معمولی تکلیف کی صورت میں زیادہ دیر کھڑے رہنے سے گریز، برف کی ٹکور، مناسب جوتوں کا استعمال اور وزن کو کنٹرول میں رکھ کر اس مسئلے سے بچا جا سکتا ہے۔