حکومت کا ملائشیا کو آئندہ پانچ سال میں 52 کروڑ ڈالر کا حلال گوشت برآمد کرنے کا ہدف

وفاقی حکومت نے آئندہ پانچ برسوں کے دوران ملائشیا کو حلال گوشت کی 52 کروڑ ڈالر مالیت کی برآمدات کا ہدف مقرر کر دیا ہے۔

حکام کے مطابق برآمدات میں نمایاں اضافے کے لیے حلال گوشت کو ترجیحی شعبہ قرار دیا گیا ہے۔ اس منصوبے کے تحت اگلے پانچ سال میں ملائشیا کو ایک لاکھ 30 ہزار میٹرک ٹن حلال گوشت برآمد کرنے کا ہدف طے کیا گیا ہے، جس سے ملک کو قیمتی زرمبادلہ حاصل ہوگا۔

حکام کا کہنا ہے کہ اس اقدام سے نہ صرف پاکستان کی گوشت کی صنعت کو فروغ ملے گا بلکہ بین الاقوامی منڈی میں حلال فوڈ کے شعبے میں پاکستان کی موجودگی بھی مزید مضبوط ہوگی۔