حکومت کا روٹین امیونائزیشن میں HPV ویکسین شامل کرنے کا اعلان

حکومتِ پاکستان نے روٹین امیونائزیشن پروگرام میں HPV ویکسین کو شامل کرنے کا اعلان کر دیا ہے، جس کا باقاعدہ آغاز یکم جنوری 2026 سے ہوگا۔ وزارتِ قومی صحت کے مطابق HPV ویکسین 9 سالہ بچیوں کو فراہم کی جائے گی اور اس کے ذریعے کم از کم 70 فیصد کوریج حاصل کرنے کا ہدف مقرر کیا گیا ہے۔

حکام کے مطابق HPV ویکسینیشن کے لیے اسکول بیسڈ اور کمیونٹی بیسڈ حکمتِ عملی اپنائی جائے گی، جبکہ تمام صوبوں کو ہدایت دی گئی ہے کہ وہ ویکسینیشن مہم کے لیے اپنی تیاریاں مکمل رکھیں۔

وزارتِ صحت نے ہدایت کی ہے کہ HPV ویکسینیشن کا مکمل ریکارڈ توسیعی پروگرام برائے حفاظتی ٹیکہ جات (EPI) کے معیاری سسٹم میں درج کیا جائے۔ اس حوالے سے HPV ویکسینیشن پروگرام کو روٹین امیونائزیشن میں شامل کرنے کا باقاعدہ نوٹیفکیشن بھی جاری کر دیا گیا ہے۔