نئے سال پر عوام کے لیے خوشخبری، پیٹرولیم مصنوعات سستی ہونے کا امکان

نئے سال کے آغاز پر عوام کو پیٹرولیم مصنوعات کی قیمتوں میں کمی کا تحفہ ملنے کا امکان ہے۔ مارکیٹ ذرائع کے مطابق پیٹرولیم مصنوعات کی قیمتوں سے متعلق ابتدائی ورکنگ پیپر تیار کر لیا گیا ہے، جس میں پیٹرول کی قیمت میں یکم جنوری سے 10 روپے 60 پیسے فی لیٹر کمی کی تجویز دی گئی ہے۔

ذرائع کے مطابق ہائی اسپیڈ ڈیزل کی قیمت میں 8 روپے 59 پیسے فی لیٹر، مٹی کے تیل کی قیمت میں 9 روپے فی لیٹر جبکہ لائٹ ڈیزل آئل کی قیمت میں 6 روپے 62 پیسے فی لیٹر کمی کی تجویز شامل ہے۔

حتمی فیصلہ حکومت ریونیو ضروریات کو مدنظر رکھتے ہوئے کرے گی، جبکہ وزارت خزانہ وزیراعظم کی منظوری کے بعد قیمتوں میں رد و بدل کا فیصلہ کرے گی۔ پیٹرولیم مصنوعات کی نئی قیمتوں کا باضابطہ نوٹیفکیشن وزارت پیٹرولیم کی جانب سے جاری کیا جائے گا۔