سونے کی قیمت ریکارڈ سطح پر پہنچ گئی

ماہرین کے مطابق سونے کی قیمتوں میں اس نمایاں اضافے کی بڑی وجوہات امریکی فیڈرل ریزرو کی جانب سے شرح سود میں حالیہ کمی کے بعد مزید کمی کی توقعات، محفوظ سرمایہ کاری کی بڑھتی ہوئی طلب اور امریکی ڈالر کی کمزوری ہیں۔

رپورٹس کے مطابق رواں سال سونے کی قیمت میں مجموعی طور پر 67 فیصد تک اضافہ ہو چکا ہے۔ عالمی سیاسی و تجارتی کشیدگیاں، مرکزی بینکوں کی جانب سے سونے کی بھرپور خریداری اور آئندہ برس شرح سود میں مزید کمی کی امید بھی قیمتوں میں اضافے کا باعث بن رہی ہے۔

ماہرین کا کہنا ہے کہ ڈالر کی کمزور پوزیشن کے باعث غیر ملکی خریداروں کے لیے سونا نسبتاً سستا ہو گیا ہے، جس سے اس کی مانگ میں مزید اضافہ دیکھنے میں آ رہا ہے، جبکہ سرمایہ کار 2026 میں امریکی شرح سود میں دو مرتبہ کمی کی توقع کر رہے ہیں۔