سونے کی قیمتوں میں بڑی کمی، فی تولہ 3500 روپے سستا

پاکستان میں سونے کی قیمتوں میں ایک بار پھر بڑی کمی ریکارڈ کی گئی ہے۔ آل پاکستان صرافہ ایسوسی ایشن کے مطابق فی تولہ سونا 3500 روپے سستا ہو کر 4 لاکھ 20 ہزار 362 روپے پر آگیا ہے۔
اسی طرح 10 گرام سونا 3001 روپے کمی کے بعد 3 لاکھ 60 ہزار 392 روپے میں فروخت ہو رہا ہے۔
چاندی کی قیمت میں بھی کمی دیکھی گئی، جو 130 روپے کم ہو کر فی تولہ 5022 روپے رہ گئی ہے۔
بین الاقوامی مارکیٹ میں بھی سونے کی قدر میں نمایاں کمی ہوئی ہے، جہاں فی اونس سونا 35 ڈالر سستا ہو کر 3980 ڈالر پر آ گیا ہے۔
ماہرین کے مطابق حالیہ کمی کی وجہ عالمی معاشی دباؤ، ڈالر کی قدر میں استحکام اور سرمایہ کاروں کی جانب سے سونا فروخت کرنے کا رجحان ہے۔