ملک میں فی تولہ سونا 5 ہزار 9 سو روپے مزید مہنگا، قیمت ریکارڈ سطح پر

عالمی اور مقامی گولڈ مارکیٹس میں سونے کی اونچی اُڑان جاری ہے، جس کے باعث پاکستان میں فی تولہ سونا 5 ہزار 9 سو روپے اضافے کے بعد 4 لاکھ 35 ہزار 762 روپے کی ریکارڈ سطح پر پہنچ گیا۔

آل صرافہ ایسوسی ایشن کے مطابق سونے کی قیمت میں مسلسل دوسرے روز اضافہ ریکارڈ کیا جا رہا ہے، جبکہ دس گرام سونا بھی 5 ہزار 65 روپے مہنگا ہو کر 3 لاکھ 73 ہزار 595 روپے کا ہو گیا ہے۔

ادھر فی تولہ چاندی کی قیمت 144 روپے اضافے سے 5 ہزار 353 روپے تک پہنچ گئی۔ دوسری جانب عالمی مارکیٹ میں سونا 59 ڈالر مہنگا ہو کر 4 ہزار 134 ڈالر فی اونس میں فروخت ہو رہا ہے۔