امریکہ میں وزن کم کرنے کیلئے استعمال کی جانے والی جی پی ایل ون اودیات سے لوگ بینائی سے محروم ہونے لگے

امریکہ میں وزن کم کرنے اور ذیابیطس کے علاج کے لیے مقبول ہونے والی جی ایل پی ون (GLP-1) ادویات کے استعمال کے بعد بینائی متاثر ہونے کے واقعات سامنے آنے پر ادویات ساز کمپنیوں کے خلاف قانونی کارروائی شروع کر دی گئی ہے۔ 90 سے زائد متاثرہ افراد نے امریکی عدالتوں میں مختلف فارماسیوٹیکل کمپنیوں کے خلاف مقدمات دائر کر دیے ہیں۔ متاثرین کا الزام ہے کہ ان ادویات کے استعمال سے ان میں ‘NAION’ (Non-Arteritic Anterior Ischemic Optic Neuropathy) نامی انتہائی نایاب بیماری پیدا ہوئی، جسے عام زبان میں ‘آنکھ کا فالج’ بھی کہا جاتا ہے اور یہ مستقل اندھے پن یا بینائی سے محرومی کا سبب بن سکتی ہے۔

دوسری جانب طبی ماہرین اور سائنسدانوں کا کہنا ہے کہ ابھی تک یہ حتمی طور پر ثابت نہیں ہو سکا کہ یہ ادویات ہی اس بیماری کی براہِ راست وجہ ہیں۔ مختلف تحقیقاتی مطالعوں میں سے بعض نے اس خطرے میں معمولی اضافے کا اشارہ دیا ہے جبکہ دیگر مطالعوں میں ایسا کوئی واضح تعلق سامنے نہیں آیا۔ یورپی میڈیسنز ایجنسی (EMA) کے مطابق ذیابیطس کا شکار افراد جو یہ جی ایل پی ون ادویات استعمال کرتے ہیں، ان میں سے ہر 10,000 میں سے تقریباً 1 مریض کو بینائی کے اس مسئلے کا سامنا ہو سکتا ہے۔