وادیِ تیراہ میں فری میڈیکل کیمپ، 700 سے زائد مریضوں کا معائنہ

فرنٹیئر کور خیبر پختونخوا نارتھ نے وادیِ تیراہ کے علاقے مہربان کلی میں فری میڈیکل کیمپ کا انعقاد کیا، جہاں مقامی آبادی کو صحت کی بنیادی سہولیات فراہم کی گئیں۔ کیمپ میں 700 سے زائد مریضوں کا معائنہ کیا گیا اور ماہر ڈاکٹروں نے مختلف امراض کے علاج کے ساتھ مفت ادویات بھی فراہم کیں۔ خواتین، بچوں اور بزرگوں نے بڑی تعداد میں سہولیات سے فائدہ اٹھایا۔ مقامی شہریوں نے اس فلاحی اقدام پر فرنٹیئر کور اور پاک فوج کا شکریہ ادا کرتے ہوئے اسے عوامی بہبود کے لیے اہم قدم قرار دیا۔