مردوں میں قبل از وقت بڑھاپے کا باعث بننے والی اہم وجہ دریافت

چین کی جیاؤ ٹونگ یونیورسٹی اسکول آف میڈیسن کے محققین نے ایک حالیہ مطالعے میں انکشاف کیا ہے کہ “فار ایور کیمیکلز” (PFAS) مردوں کی حیاتیاتی عمر (Biological Age) کو تیزی سے بڑھانے کا سبب بن رہے ہیں۔ تحقیق کے مطابق، یہ کیمیکلز جو عام طور پر فوڈ پیکجنگ اور فرنیچر میں استعمال ہوتے ہیں، 50 سے 64 سال کی عمر کے مردوں کے جسمانی افعال کو وقت سے پہلے بوڑھا کر دیتے ہیں۔ دلچسپ بات یہ ہے کہ تحقیق کے دوران خواتین پر ان کیمیکلز کے ایسے اثرات مرتب نہیں ہوئے۔ یہ نتائج طبی جریدے ‘فرنٹیئرز ان ایجنگ’ میں شائع ہوئے ہیں۔