ماہرین نے ممکنہ نئی عالمی وباء سے متعلق خدشہ ظاہر کر دیا

ماہرین نے خدشہ ظاہر کیا ہے کہ مہلک چیچک (اسمال پاکس) کے ختم ہونے کے بعد دنیا میں دیگر پاکس وائرسز عالمی وباء کا سبب بن سکتے ہیں۔

تیزی سے پھیلنے والا یہ وائرس، جسے طب میں ویریولا کہا جاتا ہے، عالمی ادارہ صحت کی ویکسین مہم کے بعد 1980 میں ختم کر دیا گیا تھا۔ موجودہ دور میں یہ وائرس صرف انتہائی محفوظ سیمپلز کی صورت میں ہائی سیکیورٹی لیبارٹریز میں موجود ہے اور ان کی تعداد بہت محدود ہے۔

سائنس دانوں نے خبردار کیا ہے کہ چیچک کے خاتمے کے بعد لوگوں میں دیگر پاکس وائرسز کے خلاف مدافعت میں کمی واقع ہوئی ہے، جس سے آرتھوپاکس وائرس فیملی سے تعلق رکھنے والے وائرسز جیسے منکی پاکس، بوریل پاکس، بوفیلو باکس اور کیمل پاکس خطرناک ثابت ہو سکتے ہیں۔

واضح رہے کہ 20 ویں صدی میں چیچک کے سبب تقریباً 50 کروڑ افراد کی موت واقع ہوئی تھی، جس نے انسانی تاریخ میں مہلک وباؤں کا سنگین باب رقم کیا۔