ورزش سے دل کی بے ترتیبی کے مریضوں میں موت کا خطرہ کم ہو سکتا ہے، تحقیق

ایک نئی طبی تحقیق میں انکشاف ہوا ہے کہ باقاعدہ جسمانی سرگرمی افراد میں فالج (Stroke) اور قبل از وقت موت کے خطرے کو نمایاں طور پر کم کرنے سے منسلک ہے۔ Journal of the American Heart Association میں شائع ہونے والی اس جامع تحقیق کے دوران ناروے کے 87 ہزار سے زائد بالغ افراد کا تقریباً 15 سال تک تفصیلی جائزہ لیا گیا۔ محققین نے قومی صحت کے ریکارڈز کے ذریعے شرکاء میں Atrial Fibrillation (دل کی بے ترتیب دھڑکن)، فالج اور اموات کے باہمی تعلق کا مطالعہ کیا۔تحقیق کے مطابق دل کی بے ترتیب دھڑکن کے عارضے کا شکار افراد بھی اگر باقاعدگی سے جسمانی سرگرمی اور ورزش کو معمول بنائیں، تو ان میں فالج کا خطرہ کم اور طویل و صحت مند زندگی کے امکانات زیادہ ہو جاتے ہیں۔