ماحول دوست سرمایہ کاری پاکستان کے معاشی مستقبل کی ضمانت،وفاقی وزیر
Web Desk
4 November 2025
وفاقی وزیر برائے سرمایہ کاری قیصر احمد شیخ نے ماحولیاتی کانفرنس سے خطاب کرتے ہوئے کہا ہے کہ سرمایہ کاری کے فروغ اور برآمدات میں اضافے سے معاشی استحکام ممکن ہے۔ انہوں نے کہا کہ وزیراعظم شہباز شریف کی قیادت میں پاکستان ترقی کی راہ پر گامزن ہے۔
وفاقی وزیر کا کہنا تھا کہ پائیدار ترقی اور ماحول دوست سرمایہ کاری پاکستان کے معاشی مستقبل کی مضبوط بنیاد ہے۔ انہوں نے کہا کہ براہِ راست غیر ملکی سرمایہ کاری حکومت کی توجہ کا محور ہے اور اب سرمایہ کاری کا نیا رجحان ماحولیاتی استحکام کی سمت بڑھ رہا ہے۔
قیصر احمد شیخ نے کہا کہ حکومت پائیدار سرمایہ کاری کے لیے سازگار ماحول فراہم کر رہی ہے، جبکہ عالمی سرمایہ کاری بھی تیزی سے کم کاربن اور ماحول دوست منصوبوں کی طرف منتقل ہو رہی ہے۔
انہوں نے بتایا کہ پاکستان کے پاس قابلِ تجدید توانائی، زرعی استحکام اور گرین مینوفیکچرنگ کے شعبوں میں بے پناہ مواقع موجود ہیں۔ حکومت سرکاری و نجی شراکت داری کے ذریعے پائیدار سرمایہ کاری کو فروغ دے رہی ہے۔وفاقی وزیر نے کہا کہ چیلنجز کے باوجود حکومت نے ترقی کی رفتار کو برقرار رکھا ہے اور سبز سرمایہ کاروں کو سہولت فراہم کرنے کے لیے بھرپور اقدامات کیے جا رہے ہیں۔ان کے مطابق کاروباری ادارے، اسٹارٹ اپس اور جامعات پائیدار ترقی کے حصول میں کلیدی کردار ادا کر رہے ہیں، اور ایسے معاشی ماڈلز کی ضرورت ہے جو معیشت اور ماحول دونوں کے لیے مفید ہوں۔قیصر احمد شیخ نے یقین ظاہر کیا کہ پاکستان خطے میں پائیدار صنعتوں کا قائد بننے کی بھرپور صلاحیت رکھتا ہے، جبکہ بورڈ آف انویسٹمنٹ ان کی قیادت میں پائیدار سرمایہ کاری کے فروغ کے لیے پرعزم ہے۔
متعلقہ عنوانات
پاکستان سٹاک ایکسچینج میں کاروبار کے آغاز پر زبردست تیزی
17 November 2026
عالمی منڈی میں سونے کی قیمتوں میں بڑی کمی، فی اونس نرخ ایک سال کی کم ترین سطح پر آگئے
17 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری
16 November 2026
ملک بھر میں سونے کی قیمتوں میں کمی
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
معاشی پالیسیوں کے مثبت نتائج، پاکستان کی برآمدات میں ریکارڈ اضافہ
16 November 2026