کرپٹو ریگولیشن میں نمایاں پیش رفت کے باعث پاکستان عالمی سطح پر مرکز نگاہ بن گیا
Web Desk
28 December 2025
پاکستان جدید ڈیجیٹل معیشت اور بٹ کوائن ٹیکنالوجی کی جانب تیزی سے آگے بڑھ رہا ہے، جس کے باعث ترقی کی نئی جہتیں روشن ہو رہی ہیں۔ کرپٹو ریگولیشن میں نمایاں پیش رفت کے نتیجے میں پاکستان عالمی سطح پر مرکزِ نگاہ بن گیا ہے۔
پاکستان ورچوئل اثاثہ جات ریگولیٹری اتھارٹی کے چیئرمین بلال بن ثاقب نے ابوظہبی بٹ کوائن کانفرنس 2025 کے موقع پر ایک خصوصی انٹرویو میں پاکستان کا کرپٹو وژن واضح کیا۔ انہوں نے کہا کہ پاکستان بٹ کوائن اور ڈیجیٹل اثاثوں کو محض سرمایہ کاری نہیں بلکہ مستقبل کے مالیاتی نظام کا بنیادی ستون سمجھتا ہے۔
بلال بن ثاقب کا کہنا تھا کہ 240 ملین آبادی اور 70 فیصد نوجوان قوت رکھنے والا پاکستان صرف روایتی معیشت پر انحصار نہیں کر رہا بلکہ ڈیجیٹل معیشت کے ایک نئے ماڈل کی جانب تیزی سے بڑھ رہا ہے۔ انہوں نے واضح کیا کہ پاکستان کا ہدف نوجوانوں کو محض صارف نہیں بلکہ ڈیجیٹل تخلیق کار اور نئی معیشت کے معمار بنانا ہے۔
چیئرمین ورچوئل اثاثہ جات ریگولیٹری اتھارٹی نے بتایا کہ پاکستان غیر منظم کرپٹو مارکیٹ کو عالمی معیار کے مطابق شفاف اور سرمایہ کار دوست نظام میں تبدیل کرنے کے لیے اصلاحات کر رہا ہے۔ اس مقصد کے لیے کرپٹو اور ڈیجیٹل اثاثوں کے لیے تین ستونوں پر مبنی ریگولیٹری فریم ورک تشکیل دیا گیا ہے، جس کی بنیاد وضاحت، مرحلہ وار نفاذ اور ٹیکنالوجی کے ذریعے مؤثر نگرانی پر رکھی گئی ہے۔
انہوں نے بتایا کہ پاکستان میں اہم کرپٹو ایکسچینجز کے لیے عبوری لائسنس جاری کیے جا چکے ہیں جبکہ مائننگ، ٹوکنائزیشن اور فنٹیک کے پائلٹ پروجیکٹس بھی شروع کر دیے گئے ہیں۔ ان اقدامات کے نتیجے میں آئندہ چند برسوں میں مائننگ، ٹوکنائزیشن اور ویب 3 ڈیولپمنٹ کے ذریعے اربوں ڈالر کی سرمایہ کاری متوقع ہے۔
بلال بن ثاقب نے کہا کہ پاکستان کے پاس 20 گیگاواٹ سے زائد اضافی بجلی موجود ہے جسے بٹ کوائن مائننگ اور مصنوعی ذہانت کے ذریعے ڈیجیٹل ایکسپورٹ میں تبدیل کیا جا سکتا ہے۔ ان کے مطابق بٹ کوائن پاکستانی عوام کے لیے بچت، مالی شمولیت اور بین الاقوامی ادائیگیوں کے مسائل کا ایک مؤثر حل بھی فراہم کرتا ہے۔
انہوں نے اس اعتماد کا اظہار کیا کہ حکومتی وژن اور جامع اصلاحات پاکستان کی بٹ کوائن اور ڈیجیٹل معیشت کو ترقی کی ایک نئی سمت دے رہی ہیں، جو مستقبل میں ملکی معیشت کے لیے اہم سنگِ میل ثابت ہوں گی۔
متعلقہ عنوانات
پاکستان سٹاک ایکسچینج میں کاروبار کے آغاز پر زبردست تیزی
17 November 2026
عالمی منڈی میں سونے کی قیمتوں میں بڑی کمی، فی اونس نرخ ایک سال کی کم ترین سطح پر آگئے
17 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
واٹس ایپ اسٹیٹس میں نیا فیچر متعارف کرانے کی تیاری، لوکیشن شیئرنگ آسان
16 November 2026
پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری
16 November 2026
ملک بھر میں سونے کی قیمتوں میں کمی
16 November 2026
ہوا بازی کے شعبے میں بڑی پیشرفت، چین کے برقی مسافر طیارے کی پہلی پرواز کامیاب
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026