ڈنمارک میں تاریخ رقم، ماں سے بچے میں ایچ آئی وی منتقلی کا خاتمہ، ڈبلیو ایچ او کی تصدیق

کوپن ہیگن / جنیوا: عالمی ادارہ صحت کے ڈائریکٹر جنرل ٹیڈروس ایڈہنم گیبریسیس نے ڈنمارک کی اس کامیابی کو عوامی صحت کے لیے ایک درخشاں مثال قرار دیا ہے۔ ڈبلیو ایچ او کے مطابق، ڈنمارک نے 2021 سے 2024 کے دوران ایچ آئی وی کی منتقلی روکنے کے تمام سخت اہداف حاصل کیے، جن میں حاملہ خواتین کی 100 فیصد ٹیسٹنگ اور متاثرہ ماؤں کا بروقت علاج شامل ہے۔

یورپ کے لیے ڈبلیو ایچ او کے ریجنل ڈائریکٹر ہینس ہینری پی کلوگ کا کہنا ہے کہ یہ کامیابی ڈنمارک کے “یونیورسل ہیلتھ کوریج” ماڈل کا نتیجہ ہے، جہاں ہر حاملہ خاتون کو بغیر کسی امتیاز کے اعلیٰ معیاری طبی سہولیات میسر ہیں۔ ڈنمارک اب ایچ آئی وی کے ساتھ ساتھ ہیپاٹائٹس بی اور آتشک (Syphilis) کے خاتمے کے لیے بھی کوشاں ہے تاکہ “ٹرپل ایلیمینیشن” کا عالمی اعزاز حاصل کر سکے۔