روزانہ تین کپ چائے کس خطرناک بیماری امکانات کم کر سکتی ہے؟

ایک نئی تحقیق کے مطابق روزانہ دو سے تین کپ کیفین والے گرم مشروبات، جیسے چائے یا کافی، پینے سے ڈیمنشیا میں مبتلا ہونے کا خطرہ تقریباً 15 سے 20 فیصد تک کم ہو سکتا ہے۔

اس تحقیق میں امریکا کے ایک لاکھ 31 ہزار افراد کے صحت کے ریکارڈز کا تجزیہ کیا گیا۔ شرکاء سے روزانہ کیفین کے استعمال سے متعلق معلومات حاصل کی گئیں اور 40 سال تک ان کی یادداشت اور مجموعی صحت کا جائزہ لیا گیا۔

نتائج سے معلوم ہوا کہ روزانہ دو سے تین کپ چائے یا کافی پینے والوں میں دماغی صلاحیتوں میں کمی کا خطرہ کم تھا، تاہم تین کپ سے زیادہ استعمال کا کوئی اضافی فائدہ سامنے نہیں آیا۔ تحقیق کے مطابق کیفین والے مشروبات دماغی افعال کو بہتر رکھنے میں مدد دیتے ہیں اور بعض دماغی ٹیسٹوں میں بہتر کارکردگی سے بھی وابستہ پائے گئے۔

ماہرین کا کہنا ہے کہ ابتدائی احتیاطی تدابیر اور صحت مند طرزِ زندگی ڈیمنشیا سے بچاؤ میں اہم کردار ادا کرتے ہیں، جبکہ کیفین بھی دماغ کو اس مرض سے کسی حد تک محفوظ رکھنے میں مددگار ثابت ہو سکتی ہے۔