وزن میں کمی کیلئے روزانہ کتنے قدم چلنا چاہیے؟ نئی تحقیق کے حیران کن نتائج

محققین کا کہنا ہے کہ روزانہ 8500 قدم چلنے کی عادت نہ صرف جسمانی وزن میں کمی لاتی ہے بلکہ اس کمی کو طویل عرصے تک برقرار رکھنے میں بھی معاون ثابت ہوتی ہے۔ انٹرنیشنل جرنل آف انوائرمنٹل ریسرچ اینڈ پبلک ہیلتھ میں شائع تحقیق کے مطابق، ڈائٹنگ کرنے والے 80 فیصد افراد اپنا وزن دوبارہ بڑھا لیتے ہیں، تاہم طرز زندگی میں تبدیلی اور پیدل چلنے سے اس مسئلے پر قابو پایا جا سکتا ہے۔ 3758 افراد پر کیے گئے کلینیکل ٹرائلز کے ڈیٹا کے تجزیے سے معلوم ہوا کہ روزانہ 8500 قدم چلنے والوں کے وزن میں ابتدائی طور پر 4.39 فیصد اور مستقل مزاجی سے مزید 3.28 فیصد کمی ریکارڈ کی گئی، جو وزن کو مستحکم رکھنے میں قدموں کی تعداد کی اہمیت کو ثابت کرتی ہے۔