کسٹمز انفورسمنٹ کوئٹہ کی بڑی کارروائی، تین لگژری گاڑیاں ضبط

فیڈرل بورڈ آف ریونیو (ایف بی آر) کے مطابق کسٹمز انفورسمنٹ کوئٹہ نے کارروائی کرتے ہوئے تین لگژری نان کسٹم پیڈ گاڑیاں ضبط کرلیں۔ ضبط کی گئی گاڑیوں کی مجموعی مالیت اکیس کروڑ روپے بتائی گئی ہے۔

ایف بی آر کے مطابق ضبط شدہ گاڑیوں میں دو ٹویوٹا لینڈ کروزر V8 (بلٹ پروف) اور ایک لیکسس شامل ہے۔ گاڑیوں کو کسٹمز ایکٹ 1969 کے تحت قانونی کارروائی کے لیے تحویل میں لیا گیا ہے۔فیڈرل بورڈ آف ریونیو نے واضح کیا ہے کہ اسمگلنگ اور غیر قانونی تجارت کے مکمل خاتمے کے لیے کارروائیاں مسلسل جاری رہیں گی۔