سائنس دانوں کا کووڈ کی بوسٹر ویکسین سے متعلق اہم انکشاف!

یونیورسٹی آف کیمبرج کے محققین کی ایک نئی تحقیق میں انکشاف ہوا ہے کہ کووڈ-19 کی بوسٹر ویکسین نہ صرف کورونا وائرس (SARS-CoV-2) سے تحفظ فراہم کرتی ہے بلکہ مستقبل میں جانوروں سے انسانوں میں منتقل ہونے والے ممکنہ نئے کورونا وائرسز کے خلاف بھی مدافعت پیدا کرنے میں مددگار ثابت ہو سکتی ہے۔ تحقیق کے مطابق، ویکسین سے بننے والی اینٹی باڈیز صرف موجودہ وائرس کی مختلف اقسام تک محدود نہیں بلکہ بعض ایسے حیوانی کورونا وائرسز کو بھی پہچاننے کی صلاحیت رکھتی ہیں جو مستقبل میں کسی نئی وبا کی شکل اختیار کر سکتے ہیں۔ تحقیق کی شریک مصنفہ گریس ویسٹ نے اسے ایک حیران کن اور مثبت پیش رفت قرار دیا ہے۔ واضح رہے کہ عالمی ادارہ صحت کے مطابق دنیا بھر میں اب تک کووڈ ویکسین کی 13 ارب سے زائد خوراکیں لگائی جا چکی ہیں، جنہوں نے اسپتال میں داخلوں اور اموات کی شرح کو کم کرنے میں کلیدی کردار ادا کیا ہے۔