ملک میں کانگو وائرس کا ایک اور کیس سامنے آگیا

کوئٹہ کے رہائشی 22 سالہ رحمت اللہ میں ٹیسٹ مثبت آنے کے بعد ملک میں کانگو وائرس (Congo Virus) کا ایک اور کیس سامنے آ گیا ہے۔ مریض کو شدید بخار، ناک سے خون بہنے، پلیٹ لیٹس اور ہیموگلوبن کی شدید کمی اور جگر کے انزائمز میں خطرناک حد تک اضافے کی علامات کے ساتھ کراچی کے جناح ہسپتال منتقل کیا گیا تھا، جہاں لیبارٹری اور پی سی آر (PCR) ٹیسٹ کے بعد ان میں کانگو وائرس کی تصدیق ہوئی۔ ہسپتال انتظامیہ کے مطابق وائرس کی تصدیق ہوتے ہی مریض کو مزید علاج اور آئسولیشن کے لیے سندھ انفیکشیس ڈیزیز ہسپتال منتقل کر دیا گیا ہے جہاں ان کا علاج جاری ہے۔