چین: چمگادڑوں کے وائرسز سے نمٹنے کیلئے نئے مچھر تیار کر لیے

چینی سائنس دانوں نے ایسے مچھر تیار کیے ہیں جو چمگادڑوں کو کاٹ کر انہیں ریبیز کے خلاف مدافعت فراہم کر سکتے ہیں۔ یہ حکمت عملی خطرناک وائرسز کو جانور سے انسان میں منتقل ہونے سے روکنے میں مددگار ثابت ہو سکتی ہے۔

چمگادڑیں طویل عرصے سے ریبیز اور نیپاہ جیسے وائرسز کے ذخیرے سمجھی جاتی ہیں، جن سے انسانوں میں ’اسپل اوور‘ کے واقعات رونما ہوتے ہیں۔وو ہان انسٹیٹیوٹ آف وائرولوجی کے محققین نے ویکسین سے لیس مچھر اور نمکیاتی جال استعمال کر کے چمگادڑوں میں مدافعت پیدا کرنے کی کوشش کی ہے۔ ماحولیاتی ویکسینیشن کے اس طریقے میں جانوروں کو پکڑنے یا براہِ راست سنبھالنے کی ضرورت نہیں پڑتی، جس سے یہ زیادہ محفوظ اور مؤثر ہے۔