کینسر کے علاج کیمو تھراپی کے اثرات کم کرنے کے مؤثر طریقے

کیمو تھراپی کینسر کے علاج کے لیے طاقتور ادویات پر مشتمل طریقۂ علاج ہے، لیکن اس کے ساتھ متعدد مضر اثرات بھی ظاہر ہو سکتے ہیں، جن میں متلی، قے، بالوں کا جھڑنا، منہ کے چھالے، شدید تھکن اور اعصابی مسائل شامل ہیں۔

کینسر کے ماہرین کے مطابق کیمو تھراپی مؤثر علاج ہے مگر جسم کے صحت مند خلیات بھی متاثر ہو سکتے ہیں، خاص طور پر وہ خلیات جو تیزی سے بڑھتے ہیں جیسے آنتوں کی اندرونی تہہ یا بالوں کے خلیات۔ علاوہ ازیں، سفید خون کے خلیات کی کمی سے جسم کا مدافعتی نظام کمزور ہو سکتا ہے، جس سے انفیکشن اور سوزش کا خطرہ بڑھ جاتا ہے۔

ماہرین صحت نے کیمو تھراپی کے اثرات کو کم کرنے کے لیے چند مؤثر حکمتِ عملیاں تجویز کی ہیں:

متلی اور قے کے لیے اینٹی نوزیا ادویات کا استعمال,تھکن، متلی اور منہ کے چھالوں کے لیے غذا میں تبدیلی,تھکن پر قابو پانے کے لیے ہلکی جسمانی سرگرمی اور بہتر نیند,درد کے لیے مناسب ادویات کا استعمال

ماہرین کے مطابق مریض کی علامات کے مطابق ڈاکٹر بہترین حکمتِ عملی تجویز کر سکتے ہیں۔

مزید برآں، محققین ایسے طریقے تلاش کر رہے ہیں جو کیمو تھراپی کے مضر اثرات کو مزید کم کر سکیں، جیسے جڑی بوٹیوں کا استعمال، ایکیوپنکچر یا یوگا، جو نسبتاً کم مضر اثرات کے حامل ہیں۔ مثال کے طور پر ایکیوپنکچر میں معمولی نیل پڑنا یا ہلکی خون ریزی اور یوگا کے دوران جوڑوں یا پٹھوں میں ہلکا درد محسوس ہو سکتا ہے۔