BYDنیو انرجی وہیکلز کی عالمی فروخت میں پہلے نمبر پر، پاکستان میں بھی زبردست پذیرائی

نیو انرجی وہیکلز (NEVs) بنانے والی عالمی کمپنی بی وائی ڈی (BYD) سال 2025 کے دوران فروخت کے اعتبار سے ایک بار پھر دنیا میں پہلے نمبر پر آ گئی ہے۔
کمپنی کی جانب سے جاری کردہ اعداد و شمار کے مطابق، بی وائی ڈی نے سال 2025 میں دنیا بھر میں 46 لاکھ سے زائد نیو انرجی وہیکلز فروخت کیں۔

بی وائی ڈی کے مطابق، 2025 کے دوران پہلی بار ایک ہی سال میں بیرونِ ملک فروخت ہونے والی گاڑیوں کی تعداد 10 لاکھ یونٹس سے تجاوز کر گئی، جو کمپنی کے لیے ایک اہم سنگِ میل ہے۔

اس موقع پر بی وائی ڈی پاکستان کے کنٹری ہیڈ لی جیان کا کہنا تھا کہ سال 2025 بی وائی ڈی کے لیے ایک فیصلہ کن سال ثابت ہوا، جہاں ریکارڈ فروخت کے ساتھ ساتھ عالمی سطح پر غیر معمولی پذیرائی حاصل ہوئی۔
انہوں نے مزید کہا کہ پاکستان میں بھی بی وائی ڈی کی گاڑیوں کو صارفین کی جانب سے شاندار اور مثبت ردِعمل ملا ہے۔