سونے کی قیمتوں میں بڑا اضافہ، فی تولہ سونا 4 لاکھ 64 ہزار 762 روپے کا ہوگیا

عالمی سطح پر سونے کی قیمتوں میں اضافے کے بعد پاکستان میں بھی سونے کی قیمتوں میں بڑی تبدیلی دیکھنے کو ملی ہے۔ فی تولہ سونا 9200 روپے اضافے کے ساتھ 4 لاکھ 64 ہزار 762 روپے کا ہوگیا ہے، جبکہ دس گرام سونا 7888 روپے بڑھ کر 3 لاکھ 98 ہزار 458 روپے کا ہوگیا۔

عالمی صرافہ بازار میں بھی سونے کی قیمتوں میں اضافہ ہوا ہے، جہاں فی اونس سونا 92 ڈالرز اضافے کے بعد 4424 ڈالرز کا ہوگیا ہے۔

اس کے ساتھ ساتھ چاندی کی فی تولہ قیمت بھی 267 روپے اضافے کے بعد 8023 روپے ہوگئی ہے۔