سونے کی قیمت میں آج بھی بڑا اضافہ، نرخ بلند ترین سطح پر پہنچ گئے

عالمی اور مقامی مارکیٹوں میں سونے کی قیمتوں میں نمایاں اضافہ ریکارڈ کیا گیا ہے، جس کے نتیجے میں سونا تاریخ کی بلند ترین سطح پر پہنچ گیا ہے۔

بین الاقوامی بلین مارکیٹ میں فی اونس سونے کی قیمت میں مزید 23 ڈالر کا اضافہ ہوا، جس کے بعد قیمت 4 ہزار 533 ڈالر کی نئی بلند سطح پر جا پہنچی۔

عالمی مارکیٹ میں اضافے کے اثرات مقامی سطح پر بھی دیکھنے میں آئے، جہاں ملک میں فی تولہ سونے کی قیمت 2 ہزار 300 روپے اضافے کے بعد 4 لاکھ 75 ہزار 662 روپے کی ریکارڈ سطح پر پہنچ گئی۔

اسی طرح فی دس گرام سونے کی قیمت بھی 1 ہزار 972 روپے بڑھ کر 4 لاکھ 07 ہزار 803 روپے کی بلند ترین سطح پر آ گئی۔

دوسری جانب چاندی کی قیمت میں بھی اضافہ ہوا ہے، جہاں فی تولہ چاندی 462 روپے مہنگی ہو کر 8 ہزار 407 روپے کی نئی بلند سطح پر پہنچ گئی۔