دودھ سے ہٹ کر کیلشیئم سے بھرپور بہترین غذائیں

کیلشیئم ہمارے جسم اور صحت کے لیے بہت اہم غذائی جز ہے۔
ہمارا جسم اس منرل کو ہڈیاں اور دانت مضبوط بنانے کے لیے استعمال کرتا ہے جبکہ دل اور دیگر مسلز کے افعال کے لیے بھی اس کی ضرورت ہوتی ہے۔
مگر متعدد افراد کو کیلشیئم کی کمی کا سامنا ہوتا ہے۔
جب جسم میں کیلشیئم کی کمی ہوتی ہے تو ہڈیوں کی کمزوری سمیت دیگر امراض کا خطرہ بڑھتا ہے۔
ویسے تو دودھ سے کیلشیئم کا حصول ممکن ہوتا ہے مگر بیشتر افراد کو دودھ پسند نہیں ہوتا۔
تو ایسی غذاؤں کے بارے میں جانیں جن میں دودھ سے زیادہ کیلشیئم موجود ہوتا ہے، دودھ کی وجہ سے اس فہرست میں دہی اور پنیر کو بھی شامل نہیں کیا گیا۔
تِل
تِلوں سے صحت کو متعدد فوائد حاصل ہوتے ہیں اور ان میں کیلشیئم کی مقدار بھی کافی زیادہ ہوتی ہے۔
ایک کھانے کے چمچ تِلوں میں 87.8 ملی گرام کیلشیئم موجود ہوتا ہے، ضروری نہیں کہ آپ براہ راست تِل کھالیں بلکہ اسے کسی چیز پر لگا کر بھی کھاسکتے ہیں۔
تِلوں سے جسم کو کیلشیئم کے علاوہ پروٹین، منرلز اور اینٹی آکسائیڈنٹس بھی ملتے ہیں، جس سے بھی صحت کو فائدہ ہوتا ہے۔
چیا سیڈز یا تخم شربتی
چیا سیڈز غذائی لحاظ سے صحت کے لیے بہترین ہوتے ہیں کیونکہ یہ فائبر، اومیگا 3 فیٹی ایسڈز، پروٹین، وٹامنز، منرلز اور اینٹی آکسائیڈنٹس سے لیس ہوتے ہیں۔
2 سے 3 کھانے چمچ چیا سیڈز سے جسم کو 179 ملی گرام کیلشیئم ملتا ہے۔
ان بیجوں کے استعمال سے متعدد طبی فوائد حاصل ہوتے ہیں جیسا ہاضمہ بہتر ہوتا ہے، بلڈ پریشر کی سطح میں کمی آتی ہے اور بلڈ شوگر کو کنٹرول میں رکھنا ممکن ہو جاتا ہے۔
مچھلی
مچھلی کے گوشت میں کیلوریز کی مقدار کم ہوتی ہے جبکہ اومیگا 3 فیٹی ایسڈز بہت زیادہ موجود ہوتا ہے۔
یہ فیٹی ایسڈز جسمانی ورم میں کمی، خون کی شریانوں کے افعال بہتر بنانے اور امراض قلب کا خطرہ کم کرتا ہے۔
اسی طرح مچھلی میں وٹامن ڈی کی مقدار کافی زیادہ ہوتی ہے جس سے ہڈیوں کی صحت بہتر ہوتی ہے اور ہاں 100 گرام گوشت میں 300 ملی گرام کیلشیئم بھی موجود ہوتا ہے۔
بادام
100 اس سے ہٹ کر بھی یہ گری پروٹین، صحت بخش چکنائی، فائبر، وٹامنز اور منرلز سے بھرپور ہوتی ہے۔
اسے کھانا معمول بنانے سے صحت کو متعدد فوائد حاصل ہوتے ہیں جیسے بلڈ شوگر کو کنٹرول میں رکھنے میں مدد ملتی ہے، بلڈ پریشر اور کولیسٹرول کی سطح معمول پر آتی ہے جبکہ کینسر کی مخصوص اقسام سے متاثر ہونے کا خطرہ گھٹ جاتا ہے۔گرام بادام سے جسم کو 269 ملی گرام کیلشیئم ملتا ہے