پاکستان نے بچوں میں غذائی کمی کے خلاف ایک بڑی کامیابی حاصل کر لی

اسلام آباد میں منعقدہ بینظیر نشوونما پروگرام کے جائزہ اجلاس میں آغا خان یونیورسٹی کی ایک آزادانہ تحقیقی رپورٹ پیش کی گئی، جس کے مطابق پروگرام سے منسلک خواتین کے بچوں میں غذائی کمی کی شرح میں 22 فیصد تک واضح کمی آئی ہے۔ وفاقی وزیر برائے تخفیفِ غربت سید عمران احمد شاہ نے ان نتائج کو ملک کے سماجی تحفظ کے شعبے کے لیے ایک تاریخی سنگِ میل قرار دیا۔ اجلاس میں بین الاقوامی ماہرینِ صحت اور بل اینڈ میلنڈا گیٹس فاؤنڈیشن کے نمائندوں نے بھی شرکت کی اور اس پروگرام کو خواتین و بچوں کی صحت بہتر بنانے کا ایک مؤثر ماڈل قرار دیتے ہوئے حکومتی قیادت کی کاوشوں کو سراہا۔