جو کا دلیہ نقصان دہ کولیسٹرول کم کرنے میں مؤثر، تحقیق

اکثر ناشتے میں استعمال ہونے والے جو کے دلیے سے متعلق ایک تحقیق میں انکشاف ہوا ہے کہ اس کا استعمال نقصان دہ کولیسٹرول (ایل ڈی ایل) کی سطح میں نمایاں کمی لانے میں مدد دیتا ہے۔

سوئٹزر لینڈ کی بون یونیورسٹی کی تحقیق کے مطابق ایل ڈی ایل کولیسٹرول ایک چربیلا مادہ ہے جو شریانوں میں جمع ہو کر انہیں تنگ کر دیتا ہے، جس کے باعث خون کی روانی متاثر ہوتی ہے اور دل کے دورے یا فالج کا خطرہ بڑھ جاتا ہے۔

محققین کا کہنا ہے کہ محض دو دن تک جو کا دلیہ کھانے سے ایل ڈی ایل کولیسٹرول کی سطح میں 10 فیصد تک کمی آ سکتی ہے اور یہ اثر کم از کم 6 ہفتوں تک برقرار رہتا ہے۔

تحقیق میں میٹابولک سینڈروم کے شکار بالغ افراد کو دو گروپس میں تقسیم کیا گیا، ایک گروپ کو دو دن تک صرف جو کا دلیہ دیا گیا جبکہ دوسرے گروپ کو معمول کی غذا استعمال کروائی گئی۔

نتائج سے معلوم ہوا کہ روزانہ 300 گرام دلیہ کھانے والے افراد میں کولیسٹرول کی سطح نمایاں طور پر کم رہی۔