بلوچستان میں 25 لیڈی میڈیکل افسران ملازمت سے برطرف، نوٹیفکیشن جاری

کوئٹہ: محکمہ صحت بلوچستان نے سرکاری ڈیوٹی سے دانستہ اور غیر مجاز غیر حاضری کے الزام میں 25 لیڈی میڈیکل افسران کو ملازمت سے برطرف کر دیا ہے، جس کا باقاعدہ نوٹیفکیشن سیکریٹری صحت بلوچستان مجیب الرحمان کی جانب سے جاری کر دیا گیا ہے۔ نوٹیفکیشن کے مطابق تمام افسران کے خلاف بلوچستان ایمپلائز ایفیشنسی اینڈ ڈسپلن ایکٹ (BEDA Act) 2011 کے تحت تادیبی کارروائی عمل میں لائی گئی ہے۔ محکمہ صحت کا کہنا ہے کہ برطرف کی جانے والی ڈاکٹروں میں کوئٹہ کے سول ہسپتال، بولان میڈیکل کمپلیکس (BMC) اور صوبے کے دیگر مختلف اضلاع کے طبی مراکزمیں تعینات لیڈی میڈیکل افسران شامل ہیں۔