بہاولپور: 25 سالہ شخص منکی پاکس کے شبہ میں جان کی بازی ہار گیا

بہاولپور کی کوثر کالونی کا رہائشی 25 سالہ نوجوان منکی پاکس (Mpox) کے شبہ میں جان کی بازی ہار گیا۔ بہاول وکٹوریہ ہسپتال انتظامیہ نے مریض کی ہلاکت کی تصدیق کرتے ہوئے بتایا کہ متوفی کو تشویشناک حالت میں رات گئے ریسکیو کے ذریعے منتقل کیا گیا تھا اور اس میں منکی پاکس کی علامات پائی گئی تھیں۔ ایم ایس وکٹوریہ ہسپتال ڈاکٹر عبدالرحمن کے مطابق جاں بحق مریض کے خون کے نمونے تصدیق کے لیے لیبارٹری بھجوا دیے گئے ہیں اور رپورٹ مثبت آنے کی صورت میں ہی اہلخانہ کی سکریننگ کی جائے گی۔ محکمہ صحت کے مطابق مریض کا گزشتہ 15 روز سے نجی طور پر علاج جاری تھا، جبکہ بہاولپور میں اب تک منکی پاکس کے 6 مثبت کیسز سامنے آ چکے ہیں۔