رات گئے کھانا دل اور شوگر کےلیے خطرہ، نئی تحقیق میں اہم انکشاف

ایک عالمی طبی جریدے میں شائع ہونے والی تحقیق کے مطابق، رات کے وقت اسنیکس یا کھانے کی عادت انسانی جسم کی قدرتی حیاتیاتی گھڑی (Biological Clock) کو درہم برہم کر دیتی ہے۔ تحقیق سے ثابت ہوا ہے کہ جو افراد رات گئے کھانے سے پرہیز کرتے ہیں، ان کے بلڈ پریشر میں 3.5 فیصد اور دل کی دھڑکن میں 5 فیصد تک بہتری آتی ہے۔ ماہرین کا کہنا ہے کہ کھانے کے اوقات کو منظم کرنا وزن کم کرنے والی روایتی ڈائٹ جتنا ہی مؤثر ثابت ہو سکتا ہے، خاص طور پر یہ عادت ٹائپ ٹو ذیابیطس اور دل کے امراض سے بچاؤ میں کلیدی کردار ادا کرتی ہے۔