وفاق کی خیبرپختونخوا کو این ایف سی فنڈز کی بروقت منتقلی کی یقین دہانی
Web Desk
20 December 2025
وفاقی حکومت نے خیبرپختونخوا کو این ایف سی کے تحت بروقت فنڈز کی منتقلی کی یقین دہانی کرا دی ہے۔ وزارت خزانہ کے مطابق ساتویں این ایف سی ایوارڈ کے تحت خیبرپختونخوا کو اس کا مکمل حصہ فراہم کیا جا رہا ہے جبکہ دہشت گردی کے خلاف جنگ کیلئے اضافی فنڈز کی فراہمی بھی جاری ہے۔
وزارت خزانہ کا کہنا ہے کہ جولائی 2010 سے نومبر 2025 تک خیبرپختونخوا کو این ایف سی شیئر کی مد میں مجموعی طور پر 5 ہزار 867 ارب روپے منتقل کیے جا چکے ہیں۔ اسی طرح دہشت گردی کے خلاف جنگ کے تحت صوبے کو اب تک 705 ارب روپے فراہم کیے گئے ہیں۔
وفاقی حکومت صوبوں کو این ایف سی کی رقوم ہر پندرہ دن بعد جاری کر رہی ہے، جس کے تحت 17 دسمبر 2025 کو خیبرپختونخوا کو 46.44 ارب روپے جاری کیے گئے۔ وزارت خزانہ کے مطابق این ایف سی کی مد میں خیبرپختونخوا کے کوئی بقایاجات نہیں ہیں۔
براہِ راست منتقلیوں کے تحت خیبرپختونخوا کو 482.78 ارب روپے منتقل کیے گئے ہیں، جبکہ سابقہ فاٹا یا ضم شدہ اضلاع کے اخراجات وفاق اپنی این ایف سی حصے سے برداشت کر رہا ہے۔ 2019 سے اب تک ضم شدہ اضلاع کیلئے 704 ارب روپے جاری کیے جا چکے ہیں، جبکہ بے گھر افراد کیلئے صوبے کو 117.166 ارب روپے کی اضافی امداد دی گئی ہے۔
وزارت خزانہ کے مطابق پی ایس ڈی پی کے تحت خیبرپختونخوا میں 115 ارب روپے کے ترقیاتی منصوبوں کیلئے مختص کیے گئے ہیں۔ بے نظیر انکم سپورٹ پروگرام کے تحت صوبے میں 481 ارب روپے سے زائد رقم خرچ کی جا چکی ہے۔
وزارت خزانہ نے بتایا کہ گیارھویں این ایف سی ایوارڈ کا قیام عمل میں آ چکا ہے، جس کا پہلا اجلاس 4 دسمبر کو منعقد ہوا، جبکہ این ایف سی ذیلی گروپ کا اجلاس 23 دسمبر کو طلب کر لیا گیا ہے۔ وزیر خزانہ خیبرپختونخوا کو این ایف سی ذیلی گروپ کا کنوینر مقرر کیا گیا ہے۔
متعلقہ عنوانات
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور
17 November 2026
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
ایران کا آبنائے ہرمز کے قریب امریکی ڈرون قبضے میں لینے کا دعویٰ
17 November 2026
باب المندب سے فورسز کا انخلا، سعودیہ نے اتحادی فوج کا کمانڈر بدل دیا
17 November 2026
طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف
17 November 2026
ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس
17 November 2026
پاکستان سٹاک ایکسچینج میں کاروبار کے آغاز پر زبردست تیزی
17 November 2026