شہر قائد میں منکی پاکس کا ایک اور کیس رپورٹ

کراچی: شہر قائد کے علاقے سرجانی ٹاؤن کے 45 سالہ رہائشی میں منکی پاکس (ایم پاکس) وائرس کی باضابطہ تصدیق کے بعد اسے فوری طور پر سندھ انفیکشن ڈیزیز ہسپتال منتقل کر دیا گیا ہے۔ ہسپتال حکام کے مطابق متاثرہ شخص کے جسم پر دانے ظاہر ہونے پر پی سی آر ٹیسٹ انجام دیا گیا جس کا نتیجہ مثبت آیا، جس کے بعد مریض کو آئسولیشن وارڈ میں منتقل کر کے طبی امداد فراہم کی جا رہی ہے۔ محکمہ صحت کے مطابق اس نئے کیس کے بعد رواں سال صوبہ سندھ میں ایم پاکس کے تصدیق شدہ کیسز کی مجموعی تعداد 42 تک پہنچ گئی ہے، جن میں سے 14 متاثرہ افراد کا تعلق کراچی سے ہے۔