امریکن ریڈ کراس کا خون کے ذخائر کی دوسری قومی سطح کی قلت کا اعلان

امریکن ریڈ کراس نے امریکا میں خون کے عطیات کی شدید کمی کے باعث دوسری بار قومی سطح پر خون کے ذخائر کی قلت کا باقاعدہ اعلان کر دیا ہے۔ ریڈ کراس کے مطابق اسپتالوں میں طلب کے مقابلے عطیات میں مسلسل کمی کے بعد ہسپتالوں کو ‘گروپ او’ (O) کی فراہمی محدود کی جا رہی ہے، جبکہ سب سے زیادہ استعمال ہونے والے ‘او پازیٹو’ خون کا قومی سطح پر صرف 1 دن سے بھی کم کا ذخیرہ باقی رہ گیا ہے۔ ریڈ کراس بائیومیڈیکل سروسز کے صدر کرس ہرودا کے مطابق اس موسم گرما میں شدید گرمی، فضائی آلودگی اور غذائی بیماریوں کے پھیلنے سے عطیہ دہندگان کی تعداد میں نمایاں کمی آئی ہے۔ واضح رہے کہ اس سے قبل ریڈ کراس نے جنوری 2022 میں کرونا (COVID-19) وبا کے دوران پہلی بار قومی سطح پر ایسی ایمرجنسی کا اعلان کیا تھا۔