فضائی آلودگی پروسٹیٹ کینسر کا باعث بن سکتی ہے، ماہرین

ماہرین صحت نے خبردار کیا ہے کہ فضائی آلودگی پروسٹیٹ کینسر کا خطرہ بڑھا سکتی ہے، خاص طور پر وہ مرد جو شہری علاقے یا مرکزی شاہراہوں کے قریب رہائش پذیر ہیں۔

تحقیق کے مطابق، برطانیہ میں ہر سال فضائی آلودگی کی وجہ سے تقریباً 12 ہزار مرد پروسٹیٹ کینسر کے باعث دم توڑتے ہیں۔ تحقیق میں 2 لاکھ 20 ہزار مردوں کے ڈیٹا کا جائزہ لیا گیا اور نتائج سے معلوم ہوا کہ زیادہ آلودگی کے شکار افراد میں کینسر کا خطرہ 6.9 فیصد زیادہ تھا۔

ماہرین نے بتایا کہ فضائی آلودگی میں شامل نائٹریٹ (NO3) سب سے زیادہ خطرناک جزو ہے، جو گاڑیوں کے دھوئیں سے خارج ہوتا ہے اور کینسر کے خلیات کی افزائش کو فروغ دے سکتا ہے۔ تحقیق میں PM2.5 کے دیگر بڑے اجزا کے اثرات کا بھی جائزہ لیا گیا، اور اوسط عمر 58 سال کے مردوں کا 13.7 سال تک ڈیٹا زیر نگرانی رکھا گیا۔

نتائج سے ظاہر ہوا کہ آلودگی اور پروسٹیٹ کینسر کے خطرے میں معمولی اضافہ واضح ہے، اور نائٹریٹ (NO3) سب سے زیادہ اثر ڈالنے والا جزو ہے۔