بریسٹ کینسر اسکریننگ، اے آئی کے استعمال سے متعلق اہم انکشاف

ایک تحقیق کے مطابق بریسٹ کینسر کی اسکریننگ میں آرٹیفیشل انٹیلی جنس (AI) کے استعمال سے خطرناک اور آخری مراحل کے کینسر کے کیسز میں کمی دیکھی گئی ہے۔

برطانیہ میں اندازے کے مطابق باقاعدہ اسکریننگ کے ذریعے ہر سال تقریباً 1300 جانیں بچائی جاتی ہیں۔ بریسٹ کینسر ناؤ کے مطابق 1990 کی دہائی میں ہر سات میں سے ایک شخص اس بیماری سے ہلاک ہوتا تھا، جبکہ موجودہ دور میں یہ شرح ہر 20 میں سے ایک رہ گئی ہے۔

فی الحال ہر میموگرام اسکریننگ کے لیے دو ماہرین کی ضرورت ہوتی ہے، تاہم بعض اوقات کینسر کی تشخیص چھوٹ جاتی ہے۔ تحقیق کے مطابق اگر اس عمل میں AI کی مدد لی جائے تو صرف ایک ماہر کے ذریعے بھی اسکریننگ محفوظ اور مؤثر طریقے سے کی جا سکتی ہے، اور درستگی میں مزید بہتری لائی جا سکتی ہے۔