ایکیوپنکچر علاج مہنگا پڑ گیا، خاتون کی ٹانگ میں سوئیوں کے ٹکڑے پھنس گئے

روس کے شہر کراسنویارسک میں ٹانگ کے درد سے نجات کے لیے ایکیوپنکچر کروانے والی خاتون کی حالت غلط علاج کے باعث شدید بگڑ گئی۔ غیر ملکی میڈیا رپورٹس کے مطابق معروف معالج سے صرف 1 سیشن کے بعد خاتون کی تکلیف اس حد تک بڑھ گئی کہ وہ چلنے پھرنے سے قاصر ہو گئی۔ ہسپتال میں کیے گئے ایکسرے سے سنسنی خیز انکشاف ہوا کہ خاتون کی ٹانگ میں ایکیوپنکچر کی کم از کم 10 سوئیوں کے انتہائی باریک ٹکڑے پھنسے ہوئے ہیں۔ ڈاکٹروں نے انفیکشن روکنے کے لیے فی الوقت اینٹی بایوٹکس تجویز کی ہیں، تاہم سوئیوں کے باریک ٹکڑوں کو نکالنے کے لیے پیچیدہ سرجری کا امکان ظاہر کیا جا رہا ہے۔ طبی ماہرین نے عوام کو غیر تصدیق شدہ یا لاپروا معالجین سے ایسے علاج کروانے سے پہلے محتاط رہنے کی تنبیہ کی ہے