یہ غذا ذیا بیطس کو قابو رکھنے میں مدد دے سکتی ہے!

ایک نئی تحقیق میں یہ انکشاف کیا گیا ہے کہ نورڈک ڈائٹ، جو مچھلی، سبزیوں، بیریز اور سالم اجناس سے بھرپور ہوتی ہے، نہ صرف قلبی صحت کو بہتر بناتی ہے بلکہ ٹائپ 2 ذیابیطس کے اثرات کو بھی کم کرتی ہے۔

جرنل نیچر کمیونیکیشنز میں شائع ہونے والی تحقیق میں سوئیڈش سائنس دانوں نے 100 سے زائد افراد کی صحت پر نورڈک ڈائٹ کے اثرات کا جائزہ لیا۔ مطالعے کے نتائج سے معلوم ہوا کہ اس غذا نے شرکاء کے جگر میں جمع چکنائی کو کم کرنے میں مدد فراہم کی، جو ذیابیطس اور قلبی بیماریوں کے خطرے کو کم کرنے میں اہم کردار ادا کرتی ہے۔