پاکستان سمیت دنیا بھر میں آج عالمی یومِ ذہنی صحت منایا جا رہا ہے

دنیا بھر کی طرح پاکستان میں بھی آج ’عالمی یومِ ذہنی صحت‘ منایا جا رہا ہے، جس کا مقصد ذہنی صحت کے مسائل سے متعلق شعور اجاگر کرنا اور اس سے منسلک سماجی بدنامی کا خاتمہ ہے۔ اقوامِ متحدہ کے مطابق پاکستان میں تقریباً 3 کروڑ 24 لاکھ افراد کو ذہنی نگہداشت کی ضرورت ہے، تاہم سہولیات کے فقدان کے باعث 95 فیصد افراد علاج سے محروم ہیں اور ملک میں فی لاکھ آبادی پر صرف 0.19 ماہرینِ نفسیات دستیاب ہیں۔ ان چیلنجز سے نمٹنے کے لیے حکومتِ پاکستان نے عالمی ادارہ صحت اور یونیسیف کے تعاون سے ’قومی ذہنی صحت پالیسی 2026–2035‘ جاری کی ہے۔ اس سال اس دن کا عالمی موضوع ’ذہنی صحت کے مسائل سے گزرنے والے افراد کے تجربات سنیں، حقیقی آوازیں، حقیقی تبدیلی‘ مقرر کیا گیا ہے تاکہ متاثرہ افراد کے تجربات کو پالیسی سازی اور علاج کا حصہ بنایا جا سکے۔