کراچی، ورلڈ ہارٹ ڈے پر جسمانی سرگرمی کی اہمیت کے حوالے سے سائیکل ریس کا انعقاد

کراچی میں عالمی یومِ قلب (ورلڈ ہارٹ ڈے) کی مناسبت سے ایک نجی ہارٹ انسٹی ٹیوٹ کی جانب سے خصوصی سائیکلنگ ایونٹ ‘رائیڈ فار ایوری ہارٹ’ کا اہتمام کیا گیا، جس میں شہریوں کی بڑی تعداد نے جوش و خروش سے شرکت کی۔ انتظامیہ کے مطابق اس ایونٹ کا بنيادی مقصد عوام الناس میں دل کی امراض سے بچاؤ، صحت مند طرزِ زندگی کی ترغیب اور روزمرہ کی زندگی میں جسمانی سرگرمیوں اور ورزش کی اہمیت کے بارے میں آگاهی پیدا کرنا ہے۔

سائیکل ریس کا باقاعدہ آغاز سندھی مسلم سوسائٹی سے ہوا، جو مختلف شاہراہوں سے ہوتی ہوئی نجی ہارٹ ہسپتال کے میڈیکل سینٹر ڈی گراؤنڈ پر اختتام پذیر ہوئی۔ ایونٹ میں شریک شہریوں اور سائیکلسٹوں نے اس صحتمندانہ اقدام کو سراہتے ہوئے دل کی صحت کو برقرار رکھنے کے لیے باقاعدگی سے جسمانی ورزش اور سائیکلنگ کو بہترین عادت قرار دیا۔