وفاقی وزیرخزانہ کی زیر صدارت ایس او ایز کمیٹی کا اجلاس

سرکاری اداروں میں اصلاحات اور بورڈز کی تشکیل نو پر غور، اہم تقرریاں منظوری میں شامل

اسلام آباد: وفاقی وزیرخزانہ محمد اورنگزیب کی زیر صدارت کابینہ کی ایس او ایز کمیٹی کا اجلاس منعقد ہوا، جس میں مختلف سرکاری اداروں کے بورڈز کی تشکیل نو اور تقرریوں کی منظوری دی گئی۔

اجلاس میں کمیٹی نے درج ذیل اہم فیصلے کیے:

پاکستان ری انشورنس کمپنی اور اسٹیٹ لائف کے بورڈ آف ڈائریکٹرز کی تشکیل نو کی منظوری

اگنائٹ کمپنی کے بورڈ میں نئے اراکین کی تقرری کی منظوری

یو ایس ایف بورڈ میں زونگ کے سی ای او کو بطور ڈائریکٹر نامزد کرنے کی منظوری

مزید براں، وزارتِ صنعت کو مورافکو انڈسٹریز کے انضمام پر تفصیلی تجاویز پیش کرنے کی ہدایت کی گئی۔ کمیٹی نے پی ٹی ڈی سی کے خاتمے سے متعلق سابقہ فیصلے پر نظرثانی کی درخواست پر بھی غور کیا اور وزارت خزانہ کو ہدایت کی کہ پی ٹی ڈی سی پر نئی جامع سمری دوبارہ پیش کی جائے۔

اجلاس میں سیاحت کے فروغ کے لیے سنٹر آف ایکسیلینس کے قیام کی تجویز بھی زیر غور آئی۔ سرکاری اعلامیہ میں کہا گیا کہ سرکاری اداروں میں اصلاحات اور رائٹ سائزنگ حکومت کی ترجیح ہیں۔